Sindicato di polis SPA no ta contento cu e maneho di Cuerpo Policial pero lider sindical Edgard Maduro ta descarta cu nan kier cu e mando di polis ta bay.
Bon Dia Aruba a tuma contacto cu sr. Maduro pa motibo cu den prensa por a scucha cu tabatin masha desconfiansa den e mando di polis. Esaki despues cu un grupo di polis a manda un carta cu nan preocupacionnan, entre otro nan a duna esaki na minister di Husticia siman pasa.
Sr. Maduro ta bisa ayera cu nan tabata den un reunion mainta 11or , y cu tabata tin un mal informacion cu lo kier ‘corta cabes’ di alto comisario pero ‘esey no ta e caso’. Ningun rato tabata e intencion pa haci esaki, segun e. Locual a mencion cu si tin un mal maneho y falta diferente cosnan unda no ta haya oido. Den e reunion aki nan a splica otro coleganan y a aclaria e mal entendimento segun e lider di SPA. Sr. Maduro ta bisa ‘cu no tabata tin 100 polis rabia sino 7 polis cu no a compronde’.
