(NLTimes) – 8 sospechosonan a presenta na corte den un caso criminal cu ta trata e uso di un aplicacion di mensahe cu a ser desaroya di parti di FBI. E servicio di investigacion Mericano por a lesa e mensahenan cu e 8 sospechosonan a manda otro tocante e importacion di cocaina, segun e Ministerio Publico (OM).
E 8 sospechosonan a usa celular cu tabatin e aplicacion Anom instala aden. Despues di hack di parti di polis y infiltracion di e servicionan EncroChat y Sky ECC, criminalnan urgentemente tabatin mester di un metodo nobo pa manda otro mensahenan proteha, y e red Anom a provee loke nan tabatin mester.
Sinembargo, Anom a ser crea pa FBI. Den juni di aña 2021, mas o menos 800 sospechoso a keda aresta mundialmente, segun loke FBI a revela na e tempo aki. E 8 sospechosonan Hulandes aparentemente a comunica abiertamente tocante e importacion di cocaina for di Ecuador pa Colombia. Segun OM, 200 kilogram di cocaina a drenta e waf di Hamburg den Februari y Maart 2020 scondi den caha di banana.
Den un audiencia anteriormente, e abogadonan tabata preocupa tocante uso di e aplicacion aki. Un di e conseheronan a compara esaki na observa su cliente 24 ora pa 8 luna, sin cu tin sospecha inmediato cu el a comete un crimen.
Tambe tabatin pregunta tocante autoridadnan Hulandes su rol den e proyecto di Anom. Na e conferencia di prensa internacional, autoridadnan a bisa cu Hulanda a contribui pa medio di desaroya y comparti aplicacionnan tecnologico cu su partnernan den e investigacion. OM anteriormente a indica den un reviso prome cu e huicio cu Hulanda no a hunga un rol grandi den e investigacion aki.
Corte di districto na Zwolle a aparta 5 dia pa e caso aki. OM ta premira di otorga su recomendacionnan pa un veredicto y un posibel sentencia riba diabierna.
