(NLTimes) – Dos homber den custodia pa asesinato di reportero di crimen Peter R. de Vries a ricibi orden pa keda cera, cu un magistrado extendiendo nan detencion prome cu huicio cu 90 dia mas ayera.
Delano G y Kamil Pawel E. inicialmente a wordo aresta un ora despues cu a tira riba De Vries na Amsterdam riba dia 6 di juli, pero awo nan ta sospechoso di asesinato, ANP a reporta.
De Vries a fayece siman pasa den hospital. Inicialmente el a wordo transporta cu ambulance den condicion critico, pero su condicion nunca a mehora.
E dos sospechoso originalmente tabata deteni pa intento di asesinato. E sospechoso mas jong, G di 21 aña di edad for di Rotterdam, ta sospecha di a tira De Vries. E, di 35 aña di edad, originalmente di Polonia cu residencia na Maurik, Gelderland, ta sospecha di ta chauffeur den e auto di huida.
Tiki detaye tabata revela publicamente riba e caso di fiscalia durante e audiencia cera ayera. Ta spera cu fiscalnan lo duna mas informacion riba e caso y e progreso di e investigacion den e proximo audiencia, segun ANP. Esey probablemente ta bay ta un sesion publico riba of prome cu dia 18 di october. Durante e audiencia aki, por extende e detencion atrobe. Ambos sospechoso ta den custodia restrictivo y no ta permiti contacto cu niun hende excepto un abogado.
