E cinco sospechoso den caso Girasol a keda den libertad diaranson. Ministerio Publico (OM) a reporta esaki. OM ta bisa cu no ta di acuerdo cu e liberacion y cu lo apela contra e decision di corte.
Dia 4 di september ultimo, a aresta e cinco persona en conexion cu labamento di placa. Ademas tabatin falsificacion y fraude cu subsidio. A haci e arestonan na cuatro adres diferente na Van Engelen, Kwartier y Sunset Heights. A tuma den beslag cuatro auto di luho, placa cash y documentonan.
OM ta bisa cu den interes di e investigacion ta necesario pa extende detencion di e sospechosonan prome cu e huicio cu sikiera 8 dia mas. OM a indica cu tin mas cu sospecha di culpabilidad rasonabel, y cu tin suficiente motibo pa tene e sospechosonan cera un tiki largo pendiente di e investigacion.
Esaki ta relaciona, entre otro, cu e riesgo di colusion (e peliger cu e sospechosonan lo frustra e investigacion, y por ehemplo, influencia testigonan), y e orden legal, pa motibo di e seriedad di e ofensanan criminal cu probablemente a wordo cometi, segun OM.
Ministerio Publico ta haya cu e prohibicion riba contacto imponi ta inadecua y lo apela e decision aki den corte.
