Informacion cu nos a ricibi ta cu un tip clave a drenta na autoridad dialuna merdia cual a hiba na detencion di sospechoso caminda “Yellow” lo por ta scondi, asina team di aresto a drenta accion y detene na un cas caminda e ta scondi. E complise tambe a keda deteni na e cas. Di biaha fiscal hunto cu recherchenan a drenta den e cas y aki a start un investigacion. Tabata e area banda di Butucu unda Polis tabata haya e tip caminda e tabata scondi.
Desde december cu tabata busca e sospechoso “Yellow” pa a mata un bouncer na Olde Molen y a herida otro. Na diferente ocasion polis a menciona di a ricibi tip sin resultado, incluso a pone un recompensa di 5000 florin pa e tip cu lo hiba na su detencion. E tip ki a wordo subi tambe pa 10.000 florin despues. Polis den temporada di poco mas cu dos luna a haci diferente entrada hudicial sin a duna resultado, siman pasa nan a bisa cu nan ta mas cerca di detene.
Nos reporteronan ta den contacto cu polis, y mas informacion lo sigi pronto. Keda pendiente
