(AP) — Un sospechoso criminal a fayece diamars na momento cu el a detona explosivo paden di un edificio di corte den capital Ucraniano, y dos polis resulta herida, segun oficialnan a bisa.
E sospechsoo, Ihor Humeniuk, a detona un aparato explosivo paden di e Corte di Districto Shevchenkivskyi, mientras el a haci un intento abortivo pa huy, segun minister di Interior, Ihor Klymenko a bisa reporteronan.
No tabata inmediatamente cla con Humeniuk a ricibi e explosivo y a logra pa trece nan den e edificio di corte. E dos agente herida ta pertenece na un unidad special di polis.
Humeniuk tabata den custodia pa ocho aña pa cargo di tira un granada durante un manifestacion pafo di parlamento di e pais, cu a mata tres miembro di Guardia Nacional y a herida mas di 140 otro persona na 2015.
