(NLTimes)—Fouad L., e studiante di Erasmus MC na Rotterdam cu ta sospechoso principal den tres tiroteo fatal, a expresa perspectivanan derechista extremo online. Publicacionnan for di e forum online 4Chan a indica su creencia den teorianan derechista extremo y di conspiracion. Tambe el a bisa cu e tabata un miembro di e partido derechista FvD.
Supuestamente L. a tira y mata su bisiña di 39 aña y su yiu muhe na Heiman Dullaertplein, y un profesor di 43 aña na Erasmuc MC. El a ser deteni diahuebs atardi
L. tabata activo riba 4Chan bao di e usuario @motoranon. El a expresa resentimento dirigi na su profesornan na Erasmus Universiteit y su bisiñanan. El a alega cu su bisiña, ken el a tira diahuebs, a film’e ta abusando animal y tabata keda report’e na autoridadnan. Ademas, el a bisa cu el a completa tur su creditonan di estudio pero cu e directiva di examen a rechasa su graduacion. Segun L. e directiva a suspend’e pa seis luna e tempo ey. Tambe el a keda pinta su mes como un superior intelectual.
Segun RTL Nieuws, su publicacionnan tabata yena cu insultonan dirigi pa Hudiunan y hendenan color scur. Tambe el a comparti online e teoria derechista sugeriendo un reemplaso a proposito di individualnan blanco cu individualnan di color. E publicacionnan di L. tambe a revela su perspectivanan extremamente misogino.
L. a expresa afinidad pa e partido politico derechista Forum voor Democratie (FvD), y a hasta identifica su mes como un miembro den un publicacion na 2021. El a referi e partido como di dje. Debi na leynan di privacidad, FvD a nenga di verifica su miembresia. E partido a condena e “incidente teribel” aki y a bisa cu e no tin “absolutamente nada di haber” cu Fouad L., segun un vocero pa e grupo parlamentario a conta ANP.
Aproximadamente un dia despues di e tragedia, Minister di Husticia y Seguridad Dilan Yeşilgöz-Zegerius a nenga di duna comentario riba un posibel motibo of e historia di e sospechoso: “Ta importante pa un investigacion adecua tuma luga pa asina nos sa exactamente kico a pasa,” el a conta reporteronan despues di e reunion semanal di e Gabinete ayera.
“Mi no ta kere tampoco cu lo ta beneficial pa ningun hende si mi cuminsa specula dentro di 24 ora,” el a continua. Tur organisacion cu a responde na e incidente, of cual a monitoria e sospechoso den pasado, lo sigui traha hunto como parti di e investigacionnan andante.
E menasa di radicalismo derechista online ya tin tempo ta creciendo na Hulanda. Na mei di e aña aki, Nationaal Coördinator Terrorismebestrijding en Veiligheid (NCTV) a bisa cu tin mas riesgo di atakenan di terorismo, notablemente for di extremistanan derechista. Ambos Algemene Inlichtingen- en Veiligheidsdienst (AIVD) y Militaire inlichtingen en veiligheid (MIVD) tambe a subraya e menasanan for di radicalismo derechista.
Potret di NL Times.
