Den caso speeltuin, abogado a trece pa dilanti cu e padrasto ta sintie unsafe den KIA y hasta el a sinti un dia despues di come cu nan a venen’e. Esaki segun fiscal ta ‘storianan’ cu e padrastro a inventa. Mientrastanto ta pospone e caso te 15 di juni pa via di falta di rapport.
Den un update riba caso speeltuin, vocero di Ministerio Publico (OM) ta informa cu e mama y padrasto di e dos criaturanan ta keda den detencion te 15 di juni ora e caso bin pa dilanti.
Ademas, hues a rechasa peticion di abogado pa mama bay den libertad. Tin suficiente indicacion, segun e vocero, cu e lo a comete hechonan poni den citacion contra dje esta: complicidad y laga yiunan desampara. Mas aleu hues a manda caso bek RC pa scucha dos persona.
Defensa di e padrastro a purba di pidi pa nan saca e padrastro di KIA cu argumento cu e ta sinti su mes unsafe ey. Sinembargo esaki ta un “storia” di dje, segun fiscal. Un investigacion a mustra cu e ni a meld esey na ningun hende na kia of na dokter of algo asina, segun vocero di OM.
Niun momento OM a priminti na verdachte M. cu e lo por bay Hulanda. OM ta garantiza seguridad di M. den detencion. E ta su so sinta tambe, vocero ta confirma.
“Fiscal a pidi pa pospone caso. Pakico? Falta proces verbaal definitivo di polis. Falta rapport di psicologo. Tambe di reclassering. Rapport di autopsia lo wordo traduci pa un experto. E trabaonan ey tin cu wordo afgerond ainda.”
