Na final di un conferencia di prensa cu a ser yama pa e Burgermeester di Utrecht, e korpschef y e fiscal di Utrecht pa loke ta e susedido di e tiramento den e tram den cercania di 24 Oktoberplein, a keda conoci cu a gara e sospechoso prinicipal Gökmen T. di 37 aña y di nacionalidad Turco.
Detaye di aresto no a ser duna y tampoco no ta conoci e motivacion di e sospecho pa haci tal acto. Autoridad Hulandes ainda no ta kita for di mesa e posibilidad di un atake terorista y tin dos sospechoso mas cu a keda deteni. Den e atake aki a fayece un total di 3 persona y otro 9 a keda herida.
E fuente nos.nl ta raporta cu segun declaracionnan haci pa famia di e sospechoso, T. lo ta sufri di problemanan psikiatrico. Tambe tin declaracionnan cu a ser haci cu lo ta trata di un problema familiar y cu e target di e tiramento lo ta trata e ex pareha di T..
Mas informacion ta sigui den e corant di mayan 19 di maart.
