(AP) – Sony a revela un prototipo di tecnologia avansa den vehiculo electrico cu nan lo produci conhuntamente cu Honda na CES diaranson.
E vehiculo, cual a ser anuncia anteriormente den October, a sali riba escenario na CES den Las Vegas, Nevada. E vehiculo aki lo tin e nomber Afeela.
Yasuhide Mizuno, CEO di Sony Honda Mobility a bisa cu e companai ta premira cu lo cuminsa tuma ordonan den e prome mita di aña 2025 y lo cuminsa entrega e prome vehiculonan na clientenan den Noord America den aña 2026. “Mirando cu siguridad ta esencial pa mobilidad, nos lo integra Sony su sensornan y Honda su siguridad conhuntamente cu otro tecnologianan inteligente,” Mizuno a declara.
Sony y Honda a anuncia nan colaboracion 50/50 den maart. Esaki ta uni Honda su conocemento den vehiculonan, tecnologia di mobilidad y benta, conhuntamente cu Sony su creatividad, red, sensor y experticio den entretenimento.
Produccion di e vehiculo lo tuma luga na un di Honda su 12 planta na Merca. Merca a ser scogi pa e lansamento pa motibo cu vehiculonan electrico ya caba ta popular den e pais. Hapon a keda den di dos luga como Honda su mercado, y otro mercadonan incluyendo Europa lo bini despues, aunke te ainda no a entrega un fecha concreto.
