Reactor di fusion nuclear, ‘solo artificial’ nacional di Sur Korea, a kibra un record nobo door di cende na 100 miyon grado Celsius durante henter 20 seconde.
Korea Superconducting Tokamak Advanced Research (KSTAR) a logra su prome fusion na 2008 y ta considera un sorto di liga pa e proyecto internacional enorme ITER di Francia, e reactor di fusion tin miyones di parti individual cu eventualmente lo forma e tokamak mas grandi di mundo.
Korea a construi algun di e seccionnan di e container vacuum di e tokamak ey, lo traha e escudonan termico cu ta rondona e magnetnan enorme di e reactor, y awo ta trahando riba dos di e hermentnan gigante cu lo hinca e seccionnan den otro. Pero e contribucion di Korea ta bay mas leu di fabricacion, ya cu e pais ta ofreciendo percepcionnan tecnologico basa riba 12 aña di trabao intelectual y percepcionnan for di KSTAR.
Instituto Koreano di Energia di Fusion (KFE) ta opera KSTAR cu meta di logra cende fusion pa 300 seconde cada biaha. KFE a ehecuta mas di 20mil ‘plasma jolt’ desde 2008. Y den e mesun tempo, e instituto a sigui itera caracteristicanan y ideanan di diseño nobo.
“Den su experimento 2020, KSTAR a mehora e prestacion di e modo Barera di Transport Interno (ITB), un di e modonan di operacion di plasma di proximo generacion desaroya aña pasa y cu a logra mantene e estado di plasma pa un periodo di tempo mas largo, sobrepasando e limitenan existente di e operacion di plasma na temperatura ultra-halto”, autoridadnan di KSTAR a bisa den un declaracion.
KSTAR awo ta un beneficiario di e estudionan, absolutamente cabando cu e record existente di plasma sosteni pa keda na 100 miyon grado Celsius pa henter 20 seconde.
Oficialnan di KSTAR ta bisa cu esaki ta un logro mayor pa nan reactor, cu nan ta kere ta na caminda pa logra 300 seconde na 100 miyon grado Celsius pa 2025. Esey tambe ta laga basta tempo pa nan percepcionnan yega den ITER, cu su construccion, pida pa pida, lo dura varios aña prome cu su inicio planea pa 2030.
