(AP) – Varios bus a hiba e solicitantenan di asilo na Ter Apel na diferente localidadnan rond di e pais riba diabierna atardi, despues cu Health and Youth Inspectorate (IGJ) a bati alarma tocante e condicionnan di salud na e centro di aplicacion.
Un ekipo di Doctors Without Borders (AzG) a trta 80 persona na Ter Apel su centro riba diabierna y a descubri varios problema di malesa te na infeccion di cuero.
AzG a cuminsa provee asistencia medico na e solicitantenan di aislo riba diahuebs y a trata e personanan cu tabatin heridanan neglisha, sinembargo hopi persona tabatin infeccion di cuero y malesanan cronico cu no a ricibi cuido. Un persona a ser manda hospital diabierna cu kehonan cu te ainda no a ser revela.
Centenares di persona ta drumiendo pafo di e centro di aplicacion pa dianan largo caba sin e facilidadnan apropia manera luga pa baña. Riba diahuebs 3 persona a ser manda hospital. Un di nan a sufri un ataca di curason, otro tabata un diabetico cu tabatin dia largo caba sin insulina y te ainda no ta conoci e motibo di kico e tercer persona a sufri.
Riba diabierna, IGJ a bati alarma cu Minister di Salud Ernst Kuipers y e president di Groningen Safety Region Koen Schuiling tocante e situacion di e salud na Ter Apel. Segun IGJ, tin un riesgo halto di malesanan contagioso y e brote di esaki pa falta di higiena riba e sitio. Tin falta di awa, baño limpi y shelter.
Segun e inspectorado, un brote di malesa contagioso no ta solamente un menasa pa e personanan cu ta warda na e sitio, sino tambe pa “tur persona cu ta biba of traha aki.” Suficiente awa, sanidad y shelter ta necesario inmediatamente pa restaura e condicionnan higienico. E brote di malesanan contagioso tambe mester ser tuma na cuenta ora di hiba hende otro localidad.
