Sobreviviente di campo di concentracion Auschwitz-Birkenau a reuni pa conmemora e 75 aniversario di liberacion di e campo, uzando e testimonio di sobreviviente pa adverti riba señal di aumento di antisemitismo y odio riba henter mundo.

Total a spera un 200 sobreviviente di e campo, mayoria di nan hudiu anciano cu a biaha leu di nan cas na Israel, Merca, Australia, Peru, Rusia, Slovenia y otro pais. Hopi di nan a perde mayor y welonan na Auschwitz of otro camponan Nazi, pero awe nan tabata uni den nan biahe pa nan yiu, nieto y hasta bisnietonan.

Mayoria di 1.1 miyon di persona cu a muri na man di forsanan Nazi di Alemania den e campo tabata hudiu, pero tambe tabatin Polaco y Ruso, y nan tambe tabata presente na e conmemoracion lidera pa presidente Polaco, Andrzej Duda y presidente di Congreso Mundial Hudiu, Ronald Lauder.

Auschwitz a keda libera pa ehercito Sovietico dia 27 di januari 1945.

Lidernan mundial a reuni na Jerusalem siman pasa pa conmemora e aniversario cu hopi a mira manera un observacion competitivo. Entre nan presidente di Rusia, Vladimir Putin; vice presidente Mericano, Mike Pence; presidente Frances, Emmanuel Macron; y prins Britanico, Charles.

Organisadonan di e evento na Polonia, museo conmemorativo estatal di Auschwitz-Birkenau y Congreso Mundial Hudiu a purba di mantene atencion riba e sobrevivientenan. “Esaki ta bay over sobreviviente y no politica”, Ronald Lauder a bisa, kende ta president di Congreso Hudiu.

Lauder a adverti cu e lidernan mester combati antisemitismo, incluyendo aprobando ley nobo pa combati esaki. Den bispo di conmemoracion, sobreviviente tabata wanta di nan yiunan, nieto pa asina por cana e luga unda a trece nan via trein y unda a sufri di hamber, malesa y casi morto.

Nan a bisa cu tabata eynan pa corda y comparti nan storia cu otro y pa haci un gesto na esunnan cu kier busca destruccion di e luga. Pa algun, e luga aki ta e santana di nan mayor of welo. “Mi no tin un santana pa bay, mi mayornan a muri aki, mi ta duna nan homenahe”, Yvonne Engelman a bisa, un muhe di 92 aña di edad a yega di Australia, hunto cu su tres generacion rond di mundo.