Sneeuw ros, tambe conoci como ‘sneeuw di patia’, a aparece den glacier Presena na nort di Italia, segun Biagio Di Mauro di Instituto di Ciencia Polar na Conseho Nacional di Investigacion di Italia.
Mientras no ta inusual pa Alpes Italiano ta ‘bunita ros’ den spring y berano, cientificonan a bira cauteloso na momento cu e fenomeno, causa pa algae, ta cuminsa pasa mas frecuentemente.
Di Mauro a bisa CNN cu e falta di caida di sneeuw na 2020, como tambe temperaturanan mas halto, a nutri e crecemento di e algae. Mas algae por conduci na ijs cu ta smelt mas lihe.
Na momento cu Di Mauro a tweet clarificacion pa un articulo di The Guardian, el a bisa cu e algae probablemente tabata Chlamydomonas nivalis, un algae di sneeuw. El a bisa tambe cu relacion di e algae cu cambio climatico no a keda demostra ainda.
Di Mauro a tweet potret di e sneeuw ros (adhunto) dialuna.
Otro banda di ocean, fin di mei, Antartica a reporta sneeuw berde, causa pa algae microscopico. Maske ta microscopico, e brotenan berde por wordo mira pa satelite. E color tambe por tin conexion cu e impacto di climanan mas cayente, segun investigadornan.
