(NLTimes) – E clima cu sneeuw tin un impacto cada bes mas grandi riba aviacion y trafico di trein na Hulanda. Aeropuerto Schiphol a reporta cu 100 di su vuelonan a keda retrasa y casi 50 cancela pa resto di dia. ProRail a reporta problema cu señal causa pa e tempo di winter riba varios ruta.
Segun website di Schiphol, pa 11am, 91 yegada y nuebe salida a keda retrasa. E aeropuerto tambe a reporta 12 salida cancela y 34 yegada cancela. Hopi di e vuelonan cancela ta vuelonan di KLM bayendo na y for di otro destinacion Europeo. E aerolinea Hulandes hopi biaha ta cancela vuelo prome cu mal tempo pa duna biaheronan advertencia avansa y duna su mes mas espacio pa flexibilidad.
Ta regulando vuelonan di yegada na Schiphol pa motibo di mal tempo, y tabata spera “retrasonan halto” segun centro di control di trafico aereo Europeo, Eurocontrol a bisa ayera mainta.
Aeropuerto Rotterdam The Hague y Eindhoven a keda en gran parti no afecta pa e clima, segun voceronan pa e aeropuertonan a bisa Nu.nl alrededor di 10:30 di mainta.
ProRail a reporta cu e tempo di winter tabata afectando trafico di trein, specialmente den west y centro di e pais. Tecniconan tabata trahando riba fayonan di switch rond di Amersfoort, Hilversum, entre Schiphol y Leiden, y entre Roosendaal yVlissingen. Tur e problemanan aki tabata afectando trafico. A recomenda pa usuarionan di trein check e schedule di biahe prome cu sali y tene cuenta cu retrasonan.
