Mañan dia 5 di januari Carnaval 65 lo cuminsa oficialmente cu  Parada di Flambeu. Durante un conferencia di prensa caminda SMAC y departamento di polis a duna di conoce e rekisitonan y responsabilidad cu tur 12 grupo mester tene na cuenta cu ne. E parada di Flambeu lo cuminsa di 8or te 2or di marduga.

Sra. Henriquez a duna di conoce cu e parada aki lo tin aproximadamente 15.000 persona, incluyendo boluntarionan, e siguridad cu e gruponan tin hunto cu departamento policial y departamentonan envolvi.

Un di e rekisitonan cu cuerpo di polis a duna sra. Henriquez pa e grupo di lidernan ta pa nan tin un chauffeur designa of un segundo chauffeur den e caso cu mester reemplasa e prome.

Korps Politie Aruba ta encarga di orden publico y Carnaval mester bay suave y trankilo, Lito Lacle vocero di e departamento di polis a informa nos di Bon Dia cu nan a haya di Ministerio Publico un documento di “Faya bo haya” cu lo drenta vigor mañan desde 6or di atardi te 6or di mainta.

Sr. Lacle a bisa cu “Faya bo haya”  polisnan tin e autoridad pa duna boet na personanan cu ta burachi y cu droga den nan poder, y pa bringamento tambe. El a comenta cu unidad di polis motorisa a ser reforsa y pa mañan nan lo tin aproximadamente 10 unidad motorisa riba caya prome, durante y despues di e parada pa haci test di alcohol, y test di velocidad.

Ademas el a sigura cu nan a haya 4 aparato nobo pa asina por haci prueba di velocidad y alcohol, el a expresa cu e departamento di polis tin hopi material pa traha pa temporada di Carnaval y pa asina nan por controla manera mester ta.

Listramento preventivo

Ministerio Publico di Aruba y Cuerpo Policial di Aruba (KPA) a informa, mediante un comunicado di prensa, cu Polis lo listra preventivamente riba posesion di droga durante actividadnan di Carnaval na Oranjestad.

E autorizacion pa preventief fouilleren ta cubri e siguiente actividadnan:

  1. Fakkel riba 5 di januari 2019 pa 6’or di atardi te 6 di januari 2019 te 6’or di mainta (zona 1)
  2. Flip Flop riba 13 di januari 2019 pa 12’or di merdia pa mey di anochi (zona 2)
  3. Kinder Carnaval riba 17 di februari 2019 pa 12’or di merdia te 9’or di anochi (zona 1)
  4. Lighting Parade riba 23 di februari 2019 pa 6’or di atardi te 24 di februari 2019 pa 6’or di mainta (zona 1)
  5. Hebbe Hebbe riba prome di maart 2019 di 6’or di atardi te 2 di maart 2019 pa 3’or di madruga (zona 3)
  6. Parada Grandi riba 3 di maart 2019 di 8’or di mainta te mey di anochi (zona 1)

Den cuadro di accion di preventief fouilleren pa droga, KPA ta autorisa pa para hende y listra nan na nan paña. Cuerpo Policial a haya ordo pa esaki di Ministerio Publico.

Zona 1

Weststraat, Werfstraat, L.G. Smith Boulevard, Gütenbergstraat, Arendsstraat, Belgiëstraat, Lucianitastraat, Santa Helenastraat, Caya Ernesto Petronia, Dominicanessenstraat, Antonie van Leeuwenhoekstraat, Adriaan Laclé Boulevard, Wilhelminastraat, Maria Christinastraat, Lagoenweg.

Zona 2

L.G. Smithboulevard, Beatrixstraat, Pierre Corneillestraat, Longfellowstraat, Vondellaan, Rumbastraat, Stadionweg, Hoofdverkeersweg Camacuri.

Zona 3

John. G. Emanstraat, Concessielaan, Spinozastraat, Hendrikstraat, Breugelstraat, Emmastraat, Juan Jacobstraat, Ranchostraat, Avenida Alo Tromp, Kerkstraat, Zuster Candidastraat, Zuster Cherubinestraat, Dominicanessenstraat, Johan de Wittstraat, Oldenbarneveldstraat, Koningstraat, Boliviastraat, Caya Ernesto Petronia, Socotorostraat, Paraguaystraat, Uruguaystraat, Hondurasstraat, Ecuadorstraat, Argentiniëstraat, Venezuelastraat, Fahrenheitstraat.