Via di un comunicado Dolfi Richardson hefe maximo di polis a informa locual a tuma luga den e asunto cu carnaval a caba laat (anochi). Anteriormente nos a publica cu Noticiacla a haya entrevista cu presidente di SMAC kende a bisa cu nan a haci peticion na polis pa hala e parada pa cuminsa mas trempan, a haci esaki diasabra despues di parada na San Nicolas, pero KPA a nenga.
Sr. Richardson a bisa cu e culpa no por wordo tira riba polis pasobra organisacion di Carnaval no ta den man di polis. Durante di e reunion cu tabatin diamars dia 2 entre polis y SMAC a trata e tema aki pero SMAC no a haya necesario pa haci cambio di orario (mas trempan ) pa paradanan grandi bisando cu e ta mucho riba man. Diasabra anochi ora cu a mira cu e ta necesario polis a mustra riba e hecho cu e ora ey si ta riba man mirando tur e personal di polis, DOW, ambulance, brandweer entre otro, cu lo mester wordo contacta pa cambio di schedule. Algun punto adicional segun Sr. Richardson su comunicado ta indica cu lo sinta cu SMAC pa evalua e temporada di carnaval y tambe trata e hecho di no cumplimento cu permiso.
