Shonnan tur, con bay? Spera cu tur cos ta bon, cu bon salud, alegria y sabiduria pa nos tur. Lady Ruth su curason ta dirigi awe ariba algun “situacionnan” chikito, pero importante pa reflexiona, pensa ariba nan y resolve nan. Ta asina, cu , nos slogan di nos isla ta: “One happy island.” Pero ta lansa e pregunta: Pa ken? One happy island for whom?
Ultimamente ta parce cu ta un isla feliz nos ta solamente pa e turistanan y pa e “grandinan ariba den top di companianan” of instancianan. Dicon? Den combersacionnan durante varios di nos “Koffiemorgen” nos a discuti e tema di, cu, pakico esnan trahando y of tin algo di haci den nos departamento. top di turismo tin miedo cu algun famia di algun casnan tin un of dos camber liber cu ta pone esakinan ariba lista di AirB&B of B&B pa tambe haya un crenchi extra na entrada? Nan tin miedo cu e hotelnan luhoso lo keda bashi? Ki ridiculez! Miedo di competencia sano? Cu ta of a bin un “tax”, un impuesto algo di BBO ariba “omzet” pero cu ora di manda busca un algo for di afo, cu no ta na boshi, pues cu no tin omzet, tin cu paga e impuesto aki?
One happy island for whom? Un isla feliz pa ken? Nos por a tende tambe di un situacion di un scol, na unda algun mucha no por a bay wak pelicula cu e klas of scol na ciere di aña escolar, pa motibo cu nan mayornan no a cumpli cu e pago di “airco geld”. Oh, ki dolor pa e muchanan ey! Nan no por yuda si situacion na nan cas ta duro y dificil cu prioridadnan pa pone pan ariba mesa. Y si nan mayornan ta bay cumpra dos cerbes mes, pa tambe sinti nan mes un crenchi relaha pa no pensa demasiado ariba e situacion doloroso y penoso cu nan ta aden? Ki malo tin den esaki?
One happy island for whom? Nos tawata discuti, si ta decision di e cabesante di e scol, di e juffrouw di tal of tal klas, of ta di e organisacion cu ta maneha e scolnan, e.o. SKOA? Of ta un otro scol cu no ta cay bao SKOA? Pakico perhudica nos muchanan inocente y castiga nan pa motibo di algo financiero? Un algo cu nan no por yuda? Nos tawata puntra nos mes si e juffrouw of juffrouwnan tin curason di berdad pa traha den educacion di mucha, of ta djis pa e pago y vakantie largo? Si por acerca tur sorto di instancia pa sponsor concursonan di beyesa, fiesta di carnaval na scol etc., pakico no por a pidi un instancia comercial yuda cu esaki? Hopi laf mes!
Nos isla, si, nos “Happy Island,” nos Isla Feliz, pa ken na prome lugar? Pa economia sigui baster den tur cara y kita e sonrisa y cordialidad? Pasobra tin cu yega un fin na cosnan asina, cosnan cu ta perhudica nos hendenan humilde cu no tin entrada grandi. Lady Ruth no kier toca e tema mes di “computer y digitalisa”, un otro algo cu ta perhudica nos grandinan cu no tin ni por traha cu computer of celular. Oh, ki berguensa cu ta sigui “monkey see monkey do” pa dentro di algun tempo hasta laga firma riba un tablet of pantaya di algo atrobe, como muestra di pago, comosifuera e placa cash ta vies pa mishi of cu ta , atrobe, esnan na top kier tin control y mas control di hende hasta? Como si fuera “swipe” no ta bastante. Nan kier elimina tur papel di prueba di pago? Y si bo computer crash y no tin back up? Wat dan? Oh wat erg! Falta di respet, falta di compasion, falta di sintimento humano. Falta di amor pa prohimo.
Cu dolor na nos curason, nos a purba di expresa nos mes un crenchi di e diferente topiconan aki, nos no ta experto ni profesional, pero si, humilde cu curason pa prohimo.
Si tin algun cu kier yama radio y critica Lady Ruth, feel free, nos no ta interesa den reacciona riba boso criticanan. Of bo kier manda bo relato den corant y yamami “Smiley”? Mi no ta un hende cu ta pleita cu niun hende. Mi lo ignorabo y respeta bo opinion, cu abo respeta esun di mi tambe . Ser honesto cu bo mes. Lamentablemente, cu , arubiano sa kibra arubiano, pero esakinan ta cosnan saliendo foi man, asina mes cu tin centenares di comishonnan paki paya pa tur sorto di cos cu ta na vigor aki na Aruba. Ni pa papia mes di nos “verkeers plato” of “sleeping police” den Dadelstraat na e subida dilanti casnan nr. 20 pariba. Pabien na nos respetabel amigo den prensa , e gentil cabayero Hilario cu si ta logra hopi pa su bario districto San Nicolaas. Algun a menciona na nos, cu ,ta parti di campanja politico cu ya ta notabel. Ufffffffffffff.
Por a lesa cu Aruba ta un “shitty place” pero no ta asina, ta hende cu mentalidadnan stranjo y of hambra pa mas poder kizas ? Ta hende ta danja pa hende ? Nos Aruba ta un isla bendiciona den lama cu hopi suerte cu nada malo mahos grandi no a sosode cu ne ainda, kemen, Dios su man ta keto bay ariba nos isla. Pero cu mas y mas cosnan stranjo pasando, por puntra, te ki Dia ?
Enfin, danki pa lesa nos relato cu atencion y curason. Arubianonan original lo comprendemi sigur, esnan cu tin nos isla na pechu. Esnan cu ta stima nos isla y su habitantenan. Esnan cu amor pa prohimo.
Aruba, mi dushi isla den lama, :”One happy island pa ken ?” Stay safe, love you too !
