SIWA kier pa gerencia di WEB duna un bon splicacion, pakico y a base di kico a hala atras den nan promesa y nan kier mira un solucion na e cos aki. Segun Erick Henriquez, presidente di SIWA, tin cu corda cu ta riba mesa tin te na ultimo, ta e cuatro vacaturanan disponibel den e departamento di distribucion di awa tin cu wordo yena. No ta SIWA ta bisa cu ta yena esey, sino gerencia.
E pregunta ta keda con nan ta bay convence e trahadonan cu tin cu warda un rato. Te ainda no sa con nan ta bay haci esey, Henriquez a remarca.
Henriquez a sigui splica cu pa tuma cuater persona no ta un necesidad, pero ta un hecho si cu a desvia e personanan aki. Gerencia tin cu splica e personanan aki pa nan acepta e dicon pakico no.
Smartmeter
Segun Henriquez, gerencia tin un solo cos den mente: smartmeter. Awo e cuestion ta a base di ki estudio, no sa ainda.
Mediador a interveni y a para e welga cu a tuma luga diahuebs ultimo y esaki lo bay wordo discuti na mesa. For di mesa no ta hala, Henriquez a remarca. Semper ta na mesa ta yega cu resultadonan na final. Ta bay mesa y e bala ta hinca den scochi di gerencia na unda cu ta wak kico e ta bay trece pa e trahadonan. Si no ta asina, mediador tin cu interveni atrobe. Si mester yega cu nan tin cu bay mediador, nan lo bay atrobe.
Expectativanan
Expectativanan a wordo crea, cu vacaturanan ta habri y tin coleganan ta traha den grupo, ta wak cu e posibilidad cu nan por haya un parti di drenta den e trabao na WEB. Gerencia ad hoc, ta tuma un decision cu nan ta para e parti ey. E ora e trahadonan di WEB mes ta bisa con ta bay traha awo cu e coleganan cu ta contratista cu sa cu nan tabata tin cierto speransa ta bin traha na WEB, nan ta moralmente te na vloer y con nan por bay duna e atencion na publico ora cu algo asina pasa. E ta bira sumamente dificil, specialmente den e trabao cu e gaynan aki tin unda cu nan ta confronta e pueblo. Nan ta confronta pueblo, unda cu hopi biaha pa no bisa diario, nan ta wordo ofendi eyfo pa pueblo, mescos cu ta nan a hedge. Nan no a haci nada di esey. E personanan aki no tin ni arte ni parti esey den e decision. Nan ta wanta tur e palabranan ey y ora cu moralmente a wordo trapa, con bo por duna servicio y ora e hendenan nan gemoed a yena y esey ta e dolor.
Engaño
E dolor ta den nan cabes ta hinca cu gerencia a gaña nan. Ora e relacion ey yega cu bo ta sinti cu bo hefe a gaña bo, e ta dificil e momento ey pa traha. Awor aki ta cu e coleganan. Tin cu wak con ta bay sigui dilanti. Tin un reunion pa sigui cu esaki. A bisa gerencia, cu e ta concerni ta kico lo trece na e hendenan aki, pasobra e relacion practicamente a kibra esey cu e hendenan aki. No ta sano pa e empresa y e mester wordo drecha.
E departamento
E departamento aki ta consisti di 15 persona, pero 18 tin mester pa haci e trabao. Sin mas tin 3 contratista. E ta un departamento cu hendenan ta move hopi. Hopi no gusta den e departamento aki hopi. E persona cu ta check e meter di awa ta 500 y pico biaha ta subi baha e auto. E ta un proceso di 13 dia cu tin cu haci’e y e otronan tin cu bay deal cu meter, tin cu deal cu tapmento di meter y kita meter. E no ta e trabao di mas dushi cu tin den WEB. E ultimo, WEB ta yega pa motibo cu e hendenan ta bay, a yega na 7 trahado so den e departamento.
Ta deal cu un departamento di 7 trahado di WEB y 11 contratista. E contratistanan a bira mas grandi, pero e relacion cu e contratista y e trahadonan ta sublime. Esey no ta e problema. E motivacion t’ey, nan ta bay, sali tuma meter y e motivacion t’ey. Pero ora algo asina aki pasa, mirando e union di e grupo, unda cu tin un motivacion y tin un decision asina a cay ad hoc, ta riba un “hunch” nan ta cu lo bay den futuro riba smartmeter. Nan ta haciendo un prueba cu te ainda no tin dato y ta un proceso cu ta bay dura entre 5 pa 10 aña porta, si e bay sigui.
Ta algo cu nan tin ta papiando pa añanan largo. Te ainda e meter cu por deal cu Aruba no t’ey ainda. Ta den e dilema aki y ora cu a sali e vacatura interno, sali tur cos cla pa bay pafo, e solicitantenan cla pa ranca sali y tur cos ta cla, y ta para esey asina, ta cuestiona cua ta e estudio cu a haci cu a para esey, a tende como contesta cu ta bay riba smart meter.
Moral te na suela
E moral di hendenan ta bay vloer y eynan e problema ta. Loke ta pasa e ora ta e grupo ta wak cu esey ta e dolor, cu gerencia a gaña nan. E ora e otro trahadonan tambe ta bisa con ta bay haci cu un gerencia cu ta gaña. Tur biaha cu papia cu nan, no sa ki tin na e palabra cu e ta duna, segun Henriquez. E palabranan masha pisa a cay, ora cu director y demas gerencia a bin pa papia cu nan. No ta e cos di mas dushi. No ta leuk, ni pa director, pero pa e trahadonan di mes tampoco, segun Henriquez.
