Situacion financiero den hopi hogar lo bira miho cu aña pasa, pero ainda tin incertidumbre

(NL Times)—E situacion financiero lo mustra mas miho cu na aña 2022, mirando cu e instituto nacional di informacion di hogar (Nibud) a reporta cu poder di consumo den cierto hogar a hisa cu mas di 8%. Pero ainda tin incertidumbre den e mercado e aña ki pa via di inflacion y costo di coriente, entre otro.

Den nan calculacion, Nibus a asumi un inflacion di 3.5%, cual e oficina di analisis di politica economico Hulandes (CPB) a calcula. Cu e inflacion aki, hogarnan por mehora cu entre 0.5 y 8.1%, dependiendo e structura di famia y salario. Den algun caso, hogarnan lo perde 0.2% di poder di consumo pa via di e inflacion aki.

En general, e mehoracion den poder di consumo ta debi parcialmente na e echo cu hendenan cu ta traha ta resta mas placa, dor di e credito di belasting riba salario halto. Esaki ta resulta cu nan ta paga menos impuesto. Banda di esaki, hopi hende ta experenciando un aumento den salario pa via di un acuerdo di negociacion, segun Nibud.

E situacion financiero tambe ta mehorando pa hendenan sin trabou, por ehempel como beneficio, asistencia social y salario di cuido cu a wordo aumenta: “Tur e medidanan aki ta yuda hende hala rosea un poco, pasobra na 2022 tur hende mester a spaar hopi y prijsnan na supermercadonan ta keda halto,” e advisor di budget a bisa.

Mas aspecto cu a hunga un rol aña pasa tambe lo sigui hunga un rol den e situacion financiero di hogarnan e aña aki, por ehempel costo di coriente. Nibud ta argumenta cu mester tene cuenta di cierto aspectonan manera circunstancia personal y gastamento di placa den desaroyo di legislacion, pasobra menos hogarnan por wanta e aumento di prijs.

“Si nos a siña algo di e crisis di energia, e ta cu personanan den hogarnan cu coriente ineficiente of hogarnan cu famia grandi lo tin mas gasto di coriente cu otro. Esaki por resulta cu nan no lo por paga tur nan gastonan cada luna,” director di Nibud, Arjen Vliegenhart, a resumi. Si tabata pa e, hendenan den situacionnan asina lo mester haya mas seguridad: “Servicio di utilidad basico mester keda accesibel y barata pa tur, awo y den futuro,” Vliegenhart a bisa.