Recientemente Bureau City Inspector (BCI) a informa cu un biaha mas dam di Tanki Leendert tabatin hopi sushi a wordo laga atras pa ciudadanonan. Un localidad cu ya caba den pasado BCI a haci limpi y atrobe hende ta yega laga nan sushi eynan.
Manera ta custumber Santa Rosa Aruba ta haci control di e diferente damnan rond di Aruba y e biaha aki nan a pasa na dam di Tanki Leendert unda cu lastimamente un biaha mas nan a encontra hopi sushi cu a wordo laga atras pa cuidadanonan.
E problema di sushedad rond di Aruba ta keda un grandi. Regularmente BCI ta haya diferente melding di dumpnan ilegal na diferente parti di e isla y lamentablemente varios di e localidadnan ta luganan cu BCI mester haci limpi mas cu un biaha.
Usuarionan a tuma e oportunidad pa comenta riba e publicacion y manda potret di algun otro luga cu tin hopi sushi benta.
E problema di sushedad no solamente ta un mahos bista, pero tambe ta perhudica naturalesa y medio ambiente.
Ciudadanonan cu ta desea di haci un melding y reporta un dump ilegal of un localidad cu hopi sushedad, por haci esaki a traves di e platafomra FIXI pa notifica BCI.
Potretnan: Facebook Bureau City Inspector
