(NLTimes) – Un gran cantidad di polis a keda despacha na Apple Store na Leidseplein na Amsterdam, den medio di reportahe di un incidente violento na e sitio diamars atardi.
Autoridadnan no a confirma inmediatamente cu dos sospechoso tabatin un persona wanta como rehen den e tienda.
“Tin un persona cu un arma di candela den/rond di e tienda en cuestion, cuerpo policial ta na e sitio cu varios unidad special pa por controla e situacion,” cuerpo policial a bisa poco antes cu 7or di anochi. Varios testigo a conta noticiero local AT5 cu nan a tende tironan den e area.
Video y potretnan di e escena a cuminsa circula riba rednan social, unda por a mira un homber den e tienda ta zwaai un arma. E tabatin su man rond di nek di un otro persona, ken tabatin su man tras di su tas. E homber arma a cana cerca di e porta conhuntamente cu e victima, scop e porta habri y a cuminsa grita pafo.
Un testigo a conta cu dos homber a sali for di e tienda rond di 6or di atardi, pero na momento cu nan a mira polis, un di nan a usa su man pa gara un otro persona riba ken el a apunta cu su arma. Tur tres tabata den e tienda.
“Mi mester a core pa mi bida,” un di e testigonan a conta AT5. “Mi tabata para canto di caminda dilanti e tienda. Un empleado a sali core cu panico gritando den un walkie-talkie ‘robo!’. Na e momento aki, ainda mi no por a compronde kico tabata pasando,” e testigo a conta. “Y ta e momento aki mi a tende tiro paden.”
Operadornan di emergencia a manda empleadonan na Leidseplein mas o menos 5;45 di atardi. Un ambulance tambe a ser manda na e escena poco despues. “A causa di un reportahe na un tienda na Leidseplein, polis actualmente mester a bay na e sitio,” cuerpo policial di Amsterdam a confirma mas o menos 30 minuut despues.
