WEB (2).jpg

Diadomingo atardi e virus Zero Day exploit a cuminsa ataca sistemanan di automatisacion rond mundo. Pa dialuna WEB Aruba tambe a bira victima di e atake cibernetico aki.

                                                           

Manera Bon Dia Aruba a publica e sistema di nos planta di awa y coriente a sufri den cuminsamento di e siman aki unda cu no por a duna servicio na caha. Awor a resulta cu esaki tabata e resultado di un atake cibernetico. WEB ta bisa cu e atake aki no a afecta e produccion di awa y coriente. “Nos a contene e atake rapidamente y asina a limita e efecto riba e sistema.”

 

Nan ta trahando riba e sistema pa asina por pone esaki bek den operacion. E cahanan na e oficina principal na Balashi ta keda cera te proximo aviso. Pues por haci pago di cuenta na banco of via online banking so. Debi na esaki gerencia a dicidi di hala e ultimo fecha pa paga e cuenta di september 2016, cual inicialmente tabata dia 8 di november, pa dia 15 di november.

 

WEB ta enfatisa cu e atake no tabata un hack sino e virus menciona. “E virus a cuminsa ataca sistemanan rond mundo diadomingo atardi 6 or pm ora local. E prome paisnan afecta pa e virus aki tawata Alemania, Gran Bretania y Canada y pues desde dialuna Aruba tambe.”