Justin Bieber tabata e protagonista di e video ‘Popstar’ di DJ Khaled y Drake, a tuma e cantante di ‘Baby’ menos di un seconde di lip-sync pa desata rumornan riba rednan social. E palabra cu a impulsa e locura: ‘Selena’.
Un dia despues cu Bieber a aparece dilanti camara pretendiendo di canta ‘Look, Ariana, Selena, my Visa’, un comunicado di prensa di director ehecutivo di Imperium Group, Shazir Mucklai, a aparece, den cual el a bisa cu a pidi Gomez pa haci un cameo den e clip di ocho minuut.
Segun e comunicado, Mucklai tambe a conseha Justin pa tuma contacto directamente cu Selena y pidie pa participa. Esaki cu proposito di deshaci cualkier tension entre e ex-pareha.
Sinembargo, un fuente cercano na Selena a nenga na e revista People cu Gomez tabatin plan pa aparece hunto cu Bieber den e video, agregando cu e cantante ni sikiera a ricibi contacto di e empresario.
Hunto cu tur esaki, cuminsamento di siman Mucklai a afirma cu e tabata asociando cu Gomez y Sephora den su linea di makiyahe, Rare Beauty. No obstante, e fuente a rechasa vehemente e declaracionnan aki y a enfatisa cu Mucklai no ta afilia den ningun forma cu e marca y mucho menos cu Gomez.
Di otro banda, e video di Popstar a conta cu cameo di algun celebridad manera YouTubernan Zane Hijazi, King Bach, ademas di esposa di Bieber, Hailey, y por supuesto DJ Khaled y Drake.
