(NLTimes) – Sindicatonan di labor FNV, CNV y VCP a duna gobierno un ultimatum diaranson. E sindicatonan kier pa e estado Hulandes haci mas trabao pa yega un acuerdo pa e personanan cu trabao fisico fuerte cu kier baha cu pension trempan. Si esaki no pasa, lo cuminsa cu welganan den varios sector.
Minister Carola Schouten, ken ta encarga cu politica di pension, a bisa cu e lo cuminsa dialogo cu e sindicatonan y e dunadornan di empleo.
E schema actual di pension trempan RVU ta caduca na fin di proximo aña. Apesar di esaki, hendenan cu tin trabao fisico fuerte por retira na un edad mas abao. Nan tin e derecho di un beneficio pa cubri e tempo te ora cu e pension AOW cuminsa. Actualmente, e areglo aki ta ser haci solamente pa hendenan cu a nace entre 1955 y 1961. E grupo ta permiti stop di traha 3 aña prome cu e edad di AOW pa haci uso di RVU.
E sindicatonan a roga pa un areglo structural, mas tanto pa motibo cu esaki a loke a keda di acuerdo den e Pension Act firma pa gobierno. E areglo tambe mester ta mas amplio segun president di FNV Piet Rietman a splica. “E excepcion fiscal ta asina abao actualmente cu no por logra esaki for di un punto financiero pa stop prome. Nos ostenedornan ta cla: nan rudia a bay atras, nan tin desordennan, pero nan tin cu sigui.”
Segun Rietman, negociacionnan tocante un areglo nobo cu e organisacionnan di dunadornan di empleo a keda peda den december y te ainda no a haci ningun progreso desde e tempo aki. E ta spera cu e ultimatum aki por resulta den e Estado “tumando un paso padilanti.”
