Sindicatonan na Hulanda a perde 101 mil miembro durante e ultimo dos aña, e di cuater caida mas grandi desde cu a cuminsa midi esaki na 1901. Miembresia di sindicato awo ta na su nivel mas abou desde 1988, segun Statistics Netherlands ta reporta.
Na fin di maart e aña aki, 1.6 miyon persona tabata miembro di un sindicato, un caida di 6 porciento compara cu 2017. Tanto miembresia masculino como femenino a disminui cu alrededor di 6 porciento, na 984 mil miembro masculino y 618 mil miembro femenino.
E cantidad di miembro di sindicato a disminui den tur grupo di edad, pero specialmente entre hende hoben te cu edad di 25 aña, cu un caida di 29 porciento. Den grupo di edad 25 pa 45 aña tabatin apenas un caida di 6 porciento. E caida tabata di mas chikito den grupo di edad 45 aña te cu retiro, cu dos porciento.
Mita di tur trahado cu no ta miembro di un sindicato a bisa e oficina di estadistica cu nan nunca a considera miembresia seriamente. 13 porciento a bisa cu sindicato no tin influencia riba nan condicion laboral, 8 porciento a bisa cu miembresia ta mucho caro, y un 8 porciento a bisa cu sindicato no ta representa nan interes.
“Esey ta un grupo hopi grandi pa sindicato na Hulanda convence, y ainda tin hopi espacio pa crece”, sindicato FNV a bisa RTL Nieuws.
