Ayera mainta, sindicato TOPA a tene un congreso extraordinario na Piedra Plat Entertainment Center. Durante esaki, presidente di e sindicato a informa cu TOPA a cambia su afiliacion for di PSI region Andino na region Caribe.
E beneficio di e afiliacion aki ta cu e sindicato por ricibi sosten como tambe tayer y training pa su miembronan. Motibo cu a haci e cambio di afiliacion for di region Andino na region Caribe tabata idioma y cultura. Segun presidente di e sindicato, Rene Bernabela, PSI Andino ta atende cu paisnan grandi cu tin diferencianan cultural y un politica diferente compara cu nos region, y asina tabatin diferencia den e maneho relaciona cu comunidad y economianan chikito den Caribe.
