Mediador di Gobierno, Anselmo Pontilius a declara na Bon Dia Aruba cu a drenta dos peticion di referendum di parti di sindicato FTA. Un solicitud di referendum ta pa e compania Aruba Airport Authority (AAA) y otro pa Alhambra Casino.
Apenas e proceso aki a cuminsa y awor departamento di Mediador di Gobierno mester haci e trabou di yama e partidonan pa haya informacion prome y despues lo cuminsa normal cu e publicacion di e referendumnan.
Di acuerdo cu e ley di referendum departamento di Mediador di Gobierno tin e obligacion di bin cu un anuncio. Despues lo sigui un proceso pa wak si e referendum cu FTA ta pidi, si e sindicato aki tin e ‘pruebanan contundente pa cualifica pa e proceso continua’, segun Pontilius.
