Durante di e reunion cu sindicato SPA a bin un comentario di un colega hoben dilanti, cu a bisa cu dos aña pasa el a midi pa un bulletproof vest, cual te ainda no a wak nada. Ta asina cu caya a bira hot den e ultimo añanan aki y ta importante pa specialmente e agentenan cu ta haci patruyahe, tin nan bulletproof vest bisti.
Presidente di sindicato di polis (SPA) Joselito Dirks ta bisa cu na kier un bon aclaracion di gobierno y ministerio di husticia riba con a para cu e vestnan aki pa e coleganan cu tin subi caya y enfrenta criminalnan. Dirks a enfatisa cu tur ekiponan di trabou ta bonbini.
Adicionalmente, e sindicalista a indica cu, mirando e problema cu tin cu Venezuela, e prioridad ta un radar. Esaki ta paso nos ta un isla y lo tin mester di basta personal pa cubri e costanan, y esaki nos no tin actualmente. E radar ta herment cu lo yuda y lo haci trabounan mas efectivo, el a finalisa bisando.
