Sin tin dia di fiesta, ya ambulance ta man yen esaki ta segun Liberato Hoek hefe y coordinadoor di Servicio di Ambulance. E ta bisa cu for di cuminsamento di december, practicamente tur weekend ta haya hopi caso di accidente. Weekend pasa tabata tin algun accidente y hopi di nan ta relaciona cu hendenan bou di influencia di alcohol. Esun di mas importante, ta manera menciona pa falta di bisti e faha di siguridad. Na momento cu dal un auto, e curpa tambe ta dal den e auto of e auto por sacabo afo. Sinembargo e ta bisa cu ta prepara si pa e dianan di fiesta. Servicio di ambulance Imsan, lo ta prepara pa duna cuido medico profesional na momento di cualkier incidente of accidente. Nan lo tin tres ambulance den cada warda, na e tres postnan cu ta situa na Imsan, Wayaca y Sasaki. Ta pidi cooperacion di publico pa duna personal di ambulance, na momento di cualkier incidente, vooral accidente, espacio pa nan por haci nan trabou profesionalmente. Ora cu nan mira un ambulance riba caminda cu zwaailicht y sirena, pa duna esaki preferencia y caminda liber pa e por yega su destino. Kisas por ta un famia di bo mes, por ta esun cu a den ambulance, of tin mester di e cuido medico. fuente di informacion masnoticia.
