Simplifica impuestonan y cambia mas impuesto directo pa indirecto (baha directo y subi indirecto simultaneamente) ta un posibilidad na Corsou

Tur dos partido na Corsou ta di acuerdo cu un simplificacion di leynan di impuesto y tambe e cambio di impuesto directo pa indirecto ta necesario. Pa e motibo aki y pa percura pa e circuito greis y preto tambe cuminsa contribui nan granito na nos comunidad lo haci cierto ahusta na entre otro e ley di omzetbelasting. Cu un sistema mas simpel pa controla y cu circuito greis y preto contribuyendo na nos comunidad, lo por suavisa otro aspecto nan di impuesto pa stimula economia y empleo. Ahusta nan cu ta gobierno ta considera pa yega aki nan ta entre otro: eliminacion di diferente tarifanan di impuesto riba benta y yega na solamente un tarifa uniforme di 7%.

Otro ahustenan na “omzetbelasting” cu gobierno ta considera den e esfuerso aki ta entre otro: E tarifa di OB di 9% na momento cu haci importacion lo keda igual. Pero e montante igual na 4.5% cu na e momentonan aki empresario por desconta ora ta haci declaracion di OB, lo no ta valido mas. Riba e siguiente productonan lo no paga “omzetbelasting” na momento di importacion: Productonan di macutu basico,Articulonan pa deporte,Bukinan di scol,Remedi cu usualmente dokter ta prescribi. Na momento cu un cliente paga su compra cu un carchi di banco (swipe of tap and go) y ora haci pago online, banco lo retene y manda e OB cu e cliente ta paga directamente riba e cuenta di banco di Ontvanger. Pa por logra esaki, lo haci e cambionan necesario den e “Landsverordening Omzetbelasting” 1999. Manera indica, lo tin solamente un tarifa di OB riba servicio y benta di producto local, di moda cu banco lo no mester haci un distincion entre diferente tarifa di OB pa diferente producto na momento cu nan ta bay retene e OB pa manda esaki riba cuenta di banco di Ontvanger mester tene cuenta cu productonan exsonera pa OB. Lo haci e cambionan necesario den “Landsverordening omzetbelasting” 1999 pa por desconta e OB cu un empresa paga pa productonan destina pa rebende ora e empresario ta bay haci su declaracion di OB. Di e moda aki ta elimina e cascada (schakels) den OB.

Proposicionnan di ley

Proposicionnan di lei cu gobierno lo traha riba dje ta inclui entre otro: Bahada di tarifa pa tira sushi na Landfill. Penshonado no ta paga prima social riba penshon di behes.Studia e posibilidat pa cobra OB na casino. Adapta lei di Bion y/of studia posibilidad pa introduci un incentivo di moda cu ta bira mas atractivo pa negoshantenan tuma hende na trabou/of studia e posibilidad pa introduci un aftre. Introduci control riba “derdengeldenrekening” di notario y abogado. Fasilitá “ Continuing Care Retirement Community. Posibilidad pa haci peticion pa cancela debe di impuesto conforme e siguiente resumen: Di e montante cu sobra den un termino di 2 of 3 pago. Tambe e periodo di areglo di pago di 2 aña cu Ontvanger ta aplicando, lo ser amplia na un periodo di 48 luna.

Den caso cu e pagado di impuesto no por cumpli cu uno di e areglonan di pago ariba menciona, of no por caba di paga henter e montante den 48 luna, SBAB lo haci un inspeccion di buki di e compania aki. SBAB ta informa Ontvanger cua montante e pagado di impuesto aki lo por paga pa luna na Ontvanger sin pone e continuidad di e compania na peliger.

Pa personanan individual tambe lo tin posibilidad pa drenta den e areglo di pago ariba menciona.

SOAB lo controla periodicamente si tur partido concerni ta cumpliendo cu nan responsabilidad nan conforme e reglanan stipula di impuesto y cancelacion di debe di impuesto. SOAB lo reporta locual nan constata na Ministerio di Finansa. Lo hancra e obligacion pa SOAB haci e control aki periodicamente den lei. Cu e ley aki, pagado di impuesto lo haya un trato igual. Pa por cumpli cu esaki Ministerio di Finansa mester aplica instruccionnan den forma explicito. Introduccion di un posibilidad permanente pa “tax & duty free shopping” pa turista. Esaki tin como meta pa stimula turistanan pa haci compra na Corsou y haci Corsou mas atractivo pa turista. Actualisa e ley tocante divisa stranhero pa asina stimula inversion na Corsou. Amplia e asina yama “Tax Holiday” di moda cu mas inversionista por cualifica pa haci inversion na Corsou, pa medio di un bahada di e montante di inversion y ampliacion di e sectornan. Manera awor aki tambe ta e caso, e “Tax Holiday” lo ta basa entre otro riba cantidad di cupo di trabou permanente cu e empresa ta brinda na habitantenan di Corsou. Lo introduci un ley caminda impuestonan riba vehiculo lo haya un destino figo (wegenfonds), cual ta pa drecha infrastructura di Corsou y lo no bay den entradanan general di gobierno. Lo subi “compliance” riba aspecto di pago di impuesto riba vehiculo (“Bestemmingsheffing”) Na momento cu un empresario of contratista brinda servicio na un persona pa cu su cas, e persona por desconta gasto di mantencion na su cas den su declaracion di impuesto personal (conforme Landsverordening op de Inkomstenbelasting 1943) pa un montante maximo di NAF 6,000 pa aña den e prome 3 añanan y despues NAF 3,000. Un condicion pa por aplica pa e descuento aki ta cu e empresario of contratista ta duna e cliente un comprobante di pago of factura cu ta menciona e persona of compania su CRIB-nummer (cu ta cumpli manera describi den ALL).