Cu un bestaansminimuum calcula door di Central Bureau Statistiek van Aruba na circa 2.600,- florin pa luna, e ta un hecho cu mayoria di nos isla ta bibando bao di stress severo financiero, te cu reportahenan tambe ta indica cu mas-o-menos 70% di cuidadano Arubiano ta accumulando debe just pa sobrevivi, segun Sr. Otmar Oduber a nota segun reportahe cu el a indica.

Dus sigure algo mester wordo hasi den manera urgente pa alivia esaki. Pero pa simplemente parti regalo politico, cual den mi opinion e reparatietoeslag 2024 ta, sin ningun plan pa tene fondonan di SVB & AZV solido riba plazo largo ta uno cu ta recorda mi di e storia real di Titanic.

Pero prome nos usa un analogia pa splica dicon esaki ta mi opinion. Mi lo comparti data y grafico di nada menos cu e Fondo Monetario Internacional (IMF) “Kingdom of the Netherlands Aruba 2023” rapport. E siguiente grafico no ta di mi persona pero di e IMF rapport mes riba pagina 58.

Mi lo letterlijk citeer loke ta skirbi riba pagina 58 di e rapport aki:

“4. The pension system is expected to run deficit in the future, despite past reforms. With an

aging population, the contribution revenue in the pension system is expected to fall short of benefits spending over the medium and this gap is expected to widen in the long term.

5. Financial liabilities from the AOV need to be contained. Several measures were implemented in the past to improve the financial situation of the general old-age pension fund (AOV), including a raise in the premiums and a gradual increase of the retirement age from 60 to 65 by 2025. Possible reform measures to contain future transfers to AOV include: (i) increasing pension contribution rates; and (ii) reducing pension benefits. Given the current level of payroll taxes and relatively moderate replacement rate, the focus should be on the first measure.”

Den otro palabra e fondo di SVB lo bira un problema structural grandi unda MESTER hisa e edad di pensioen, eigenlijk pa 2025 caba segun nada menos cu IMF mes.

Fiesta den “Poseidon Ballroom” di Titanic

E siguiente ta mi analogia cu mi ta usa pa ilustra e situacion den mi punto di bista. Titanic tabata un maraviya tecnico ora el a wordo construi, niun hende lo pensa cu e por sink. Asina leu cu e hecho y esaki a pasa literalmente, cu ora en berdad Titanic a cuminsa accumula awa den e decknan mas abao, e noticia di esaki a yega e pasaheronan fiestando den e Poseidon Ballroom. E hendenan cu a trece e prome noticia cu e Titanic tabata sink a letterlijk wordo hari door di e pasaheronan cu a gewoon sigui fiesta, mane nada no tabata pasando.

Dentro di oras awa a yega e Ballroom y manera nos sa, mayoria hende a hoga den awa friu, pasobra pa colmo no tabatin sufficiente boto di rescate tampoco. Wel pami esaki ta e situacion na Aruba. Unda mi persona pero tambe te hasta Centrale Bank van Aruba y IMF ta adverti den lenguahe hopi duidelijk sin ningun duda cu e boto cual ta pais Aruba ta bezig ta zink si niun medida severo wordo tuma. Unda hopi tragico parce cu e noticia aki, no ta wordo tuma den ningun manera na serio. Esaki no lo ta sin consequencianan grave riba plazo largo.

Ami lo gewoon bisa……Mi persona lo core busca un lifeboat awo mes. Pero esaki ta gewoon un opinion di un hende cu ta lesa rapportahenan serio. Parce cu fiesta ta gewoon sigui den e Poseidon Ballroom di Titanic.