Un poster dorna cu palabra ‘honor na Mussolini’ na un plaza di Milan, unda e curpa di e dictador fascista a wordo colga boca abou despues cu nan a mat’e na 1945. Gestonan y slogan fascista grita durante protestanan.
Ministro di interior, Matteo Salvini, no tabata presente pa e conmemoracion di 74 aniversario di liberacion di e pais for di invasion Nazi. E simbolo fascista tabata ta un tabu pa publico pa hopi tempo, pero e posternan ta apareciendo na varios stadion di futbol y den caya, mirando eleccion binidero den parlamento Europeo e siman aki.
Salvini, kende a atrae e admiracion di lidernan di extremo derechista Europeo pa e forma con e ta trata cu idea di ‘antimigrante y anti Islamistas’ ta haci un show di desprecio contra e etiketa di extremista y ta nenga existencia di un ideologia fascista den spectrum politico Italiano.
“Den e plasa aki no tin extremista, no tin racista, no tin fascista”, el a declara dilanti miles di persona cu a reuni siman pasa na un campaña di populista Europeo, incluyendo lidernan di derecha extremo di Francia y Alemania.
Pero su palabranan ta contene e resurgencia di gruponan neo fascista, encurasha na banda di campaña pa un eleccion Europeo cu ta tumando forma di un concurso entre e podernan politico tradicional Europeo, y e populistanan derechista euroskeptico, campañando pa restaura control riba un cantidad di asunto di e 28 estado miembro di Union Europeo.
Encuesta ta mustra un preocupacion creciente entre Italianonan cu fascismo, oficialmente prohibi na Italia como movemento politico pero nunca elimina di cultura popular ni margen politico, ta lantando cabes di forma alarmante.
Sinembargo, ningun di e partidonan di derecha extremo di Italia, esta Forza Nuova of CasaPound, ta spera di alcansa e nivel pa drenta parlamento Europeo den e voto diadomingo.
