Hues no a obliga Gobierno pa acepta e condicionnan cu e Unit Managers di EPI a stipula. Den combersacion cu presidente di Simar Sra. Sheila Lazo – Tromp el a bisa cu e abogado di Minister a bisa dilanti di hues cu minister a bay di acuerdo cu e puntonan di e managers, mientras cu esey no tabata e caso. Como cu segun Simar, minister no a responde nan carta. Eynan hues a bisa cu e ta haya cu tin un falta di comunicacion y si minister a responde e ultimo carta di e managers, lo no mester ni a bin corte, pasobra e managers tabata dispuesto pa traha hunto desde un inicio, segun Simar. Sinembargo semper tabatin un cos chikito cu ta causa un impase. Esaki a haci cu hues a reconoce e welga di e managers y a laga nan y gobierno pa resolve esaki na mesa, y si pega pa bin corte. Consecuentemente e partidonan ta riba mesun pagina actualemente y aa firma e acuerdo y e managers ta reanuda trabou normal dialuna.
Lesa mas den e proximo edicion di Bon Dia Aruba
