E seguridad di ofrece pueblo di Aruba un suministro di cuminda nutritivo, pagabel y sin mucho dependencia di importacion ta un topico cu varios instancia local manera Banco Central di Aruba (CBA) den nan rapport “Governing from the Future – Leading with Impact” y di World Bank Group & European Union (WB&EU) “Building Aruba’s Food Security during Covid-19 Pandemic and Beyond”, a wordo indica como topico cardinal.
E rapport di WB&EU ta mustra cu desde e Pandemia prijs di cuminda pa pueblo di Aruba a hisa den manera fuerte. Tambe nos a experiencia con fragil e por ta pa depende solamente di importacion di cuminda di exterior.
Den e rapport di CBA, a conseha pa stimula innovacion agricultural local como un di e varios paso cu por wordo tuma yuda pa alivia e problema grandi aki. Usando e rapport di WB&EU nos ta wak cu un di e pilarnan grandi lo ta “Commercial Scale Food & Agriculture Business”.
Den e articulo aki nos lo toca varios innovacionnan di agricultura cu por wordo implementa na nos isla, cuminsando cu Hydroponic Indoor Container Farming.
Container Farming:
![](https://www.bondia.com/wp-content/uploads/2023/12/TABEL-2-300x198.jpg)
Aruba no ta un pais cu hopi tereno disponibel, dus modonan mas clasico di agricultura no lo ta suficiente pa alivia e problema den manera echt duradero. Un solucion posibel pa esaki den e autor su opinion ta usa “Hydroponic Indoor Farming” usando Containers.
Den e solucion aki dentro di un container tin un “environment” ultra-controla cu temperatura, luz special, modo di awa y fertilisacion avansa via “Hydroponics” cu ta crea un container por produci un cantidad sumamente grandi di berdad pa e area cu e ta tuma. Tumando informacion for di un compania Mericano yama Freight Farms, 1 container por produci mas o menos 1.000 cabez di lechuga pa luna. Tambe por crece berdura manera Kale den cantidad di 171 liber pa siman.
E costo mas grandi a e set up aki ta e prijs di coriente, cual nos a indica den nos articulo di energia Solar, cu e prijs di energia por wordo reduci drasticamente pa asina haci e concepto aki un bes mas atractivo ainda. E uso di awa y fertilisante ta sumamente limita paso ta duna esaki direct na e wortel di e mata via un sistema Hydroponic. Dor cu tin set up di luz special pa cada tipo di mata, e container por produci berdura henter aña, cu solamente down-time pa mantencion necesario. En fin e container nan por wordo gestappel riba otro pa asina crea piso, cu un bes mas ta maximalisa e uso di tereno scars di Aruba.
Salt Water Vegetabels:
Un otro concepto cu ta bale la pena pa menciona ta e uso di berduranan designa na parti Arabe, unda nan a crea varios rasa special di berdura cu por letterlijk crece riba awa salo directo for di lama. Tin varios rasa di berdura cu a wordo crea, bao di cual tomati y otro rasanan di berdura popular. Den un paper publica den e Journal Cientifico “Frontiers” e tecnologia aki ta wordo splica den mas detaye. (https://www.frontiersin.org/articles/10.3389/fpls.2020.00801/full)
MicroAlgae pa Feed Stock pa Pisca y Carni:
Un parti interesante di e concepto den e articulo cientifico aki di Frontiers ta cu tambe por crece MicroAlgae. Esaki por den su beurt wordo usa como un “Feed Stock” local ultra-cost-competitivo pa bestianan manera galiña, baca, cabrito y pisca. Si e prijs di feed stock baha e ora criador di bestia na Aruba por crea mas bestia y mas importante, crea esakinan local via un cadena di suministro completamente local di e isla mes.
Conclusion:
Cu e tecnologianan cu a menciona e ta completamente posibel pa sector agricultural crea un cadena di cuminda local, mas sigur y na prijs competitivo y asina yuda sigura nos seguridad di cuminda nutritivo pa pueblo di Aruba.