Miles di trahadonan federal no lo por reporta na trabao dialuna, mientras cu senado Mericano ta dialogando ainda pa tetrmina e shutdown di e gobierno. Algun no lo wordo paga tampoco te ora cu e situacion wordo resolvi.
Un session diadomingo di e senado a yega na ningun acuerdo entre e Democratanan y Republicanonan, cu e asuntonan di imigracion esun di mas grandi riba mesa. Servicionan esencial no lo ta operando pero areanan popular turistico manera e estatua di libertad ya caba a wordo afecta. E monumento a wordo cera diadomingo pero gobernador di New York Andrew Cuomo a bisa cu e lo busca den e fondonan di estado pa paga e empleadonan pa por habri e area turistico bek.
E gobierno di Merca a ‘shutdown’ pasobra e no a cumpli cu un deadline. Diabierna pasa mardruga legisladornan a faya di yega na un acuerdo riba un presupuesto. E presupuesto no tabata un plan pa presupuesta henter 2018, pero lo a yuda mantene cosnan te na mita di otro luna. E partido Democrata a nenga di para tras di un trato temporario te ora cu nan preocupacionnan riba imigracion wordo trata.
Fuente: BBC
