Algun aña pasa mi tabata tin e honor pa representa Aruba na Russia den un football for friendship social program. Esaki ta un programa pa hobennan di edad 11 – 14 aña cu ta siña bo fuera di technicanan y competencia di futbol tambe 9 balornan importante di bida.

Balornan cu si bo usa nan como guia ta yuda bo crece y desaroya bo mes den forma hopi noble den loke cu nos kier logra den bida. 2018 sigur ta bata un aña di enseñansa pa mi y di hopi alegria mirando cu mi a conkista e titulo tambe pa Aruba y cu a pone portanan habri pa mi specialemente den e categoria cu mi a gana di Young Journalist projecto ecologico.

2019 F4F a duna mi algun tareanan pa haci cual mi a cumpli cu ne unda mi a gana pa cual tambe mi a hanja reconocimento.

Aruba no a cay den e loting pa participacion pero si aña aki, pa cual mi ta hopi contento cu nos tin bon representantenan.

Covid su entrada a haci cu e aña aki mester a reinventa henter e strategia. Durante 4 luna largo tabata tin hopi noticianan cu mester a wordo reparti rond di mundo unda cu mi mester a graba na cas y manda diferente noticinan positive cu Aruba a haci durante e pandemia cual a pasa tambe rond di mundo den e F4F Good News Edition. Un otro tarea tabata un entrevista cu un futbolista di mi isla y mi entrevsita Ronald Gomez capitan di e RCA como ekipo campeon di Aruba cu a bay viral. Mi tabata invita hunto cu e otro ganadornan di añanan anterior pa presenta un Webinair basa riba ecologia y aki mi a presenta mi speech riba ecologiana Aruba y tambe nos animalnan den extension.

Mi tarea cu Football for friendship no a keda te eynan paso a cambia e strategia di encuentro pa hasi uno E- Edition.

E prome season di F4F E Edition ta for di 27 di November pa Decemebre 10 y for di e plataforma digital aki mi tin e oportunidad pa por ta hurado di diferente projectonan di e mas di 80 paisnan participando. Durante un weekend largo mi mester a lesa y husga con e clubnan aki di e paisnan cu ami a haya pa judge a sigi cu nan training of projectonan durante di e pandemia. Ta tin diferente criterianan y durante di otro siman un biaha mas mi lo mester ta live pa 4 dia pa husga nan presentacionan. Un tarea poco dificil paso ta diferente cultura, idioma y presentacion.

Pa mi sigur ta un satisfaccion pa por ainda forma parti di e organisacion aki, y ta desea Sundari, Dyron, Gionne y Jaydon tur clase di exito. Boso tin un tarea super bunita pa bay haci mirando cu boso lo ta e prome nan cu ta den e plataforma digital aki representando Aruba. Disfruta di e online International Friendship Camp – Grand Forum y e E world championship.