(NLTimes) – Gigante di azeta y gas Hulandes, Shell, ta pagando 95 miyon euro den daños na comunidadnan Sur Nigeriano pa deramenan di petroleo na 1970. E suma aki a keda determina pa un corte Nigeriano varios aña atras den un demanda cu a cuminsa na 2001, y awo Shell ta bay pag’e di berdad, e compania a confirma na NOS.
Shell a agrega cu esaki no ta nifica cu e compania ta reconoce cualkier responsabilidad pa e deramenan cu a tuma luga durante e guera civil na Nigeria. “Tabata un periodo dificil cu a conduci na daño significante na e infrastructura di azeta y gas den e Niger Delta”, Shell Nigeria a bisa. Segun e compania, e sitionan afecta den comunidad Ebubu a recupera completamente.
Shell tambe ta enfrentando dañonan den otro caso actualmente dilanti corte Hulandes. Na januari, e corte di apelacion na Den Haag a duna veredicto cu Shell Nigeria ta responsabel pa e contaminacion di azeta riba cuatro tereno di agricultor, den un caso treci dilanti pa e agricultornan en cuestion, cu sosten di organisacion ambiental Milieudefensie. E suma pa compensacion ainda mester wordo determina.
“Shell cada bes ta haya mal resultado den corte”, Milieudefensie a bisa NOS comentando riba e hecho cu finalmente Shell ta bay paga pa e dañonan di 1970. “Pero cu e victimanan mester a warda 50 aña pa esaki ta claro sin balor. Awo nos ta 15 aña desde cu e leknan a tuma luga den nos demanda. Siman pasa otro di nos acusadornan a fayece. Nos mester miho leynan pa controla multinacionalnan.”
