Sharline Koolman di Departamento di Salubridad Publico durante un conferencia di prensa a anuncia con e situacion na hospital ta na e momentonan aki door cu Aruba mester a yuda e islanan di Corsou y Boneiro pa loke ta trata pashentnan cu Covid-19.
El a sigura cu e situacion aki a pone basta stress riba hospital mes pero segun el a afirma nan mester a haci esey pa motibo cu hospital semper a duna servicio, “ora bo ta enfermero of ora bo ta dokter cu a studia p’esey y ora cu tin necesidad y ta wordo bati na bo porta y bo por yuda, bo ta yuda” Koolman a expresa.
Den caso aki hospital a traha extra duro pa nan por atende e pashentnan aki pa lo cual el a duna su gradicimento.
Pa loke ta trata e parti di flexibilisacion di medidanan na unda e gymnan por habri, Koolman a pidi pa e clientenan por yuda e personanan cu ta maneha e gym pa mantene e protocolnan stricto y e medidanan di higiena pa motibo cu gymnan lo wordo controla y guia den e proceso aki.
