Relacionista publico di cantante Shakira a bisa cu e ta nenga cu el a haci malo ora el a testigua dilanti hues pa un investigacion cu ta andando, pa fraude di impuesto na Spaña.
Fiscal ta acusa e cantante for di december di no paga 14.500.000 euro den impuesto na e pais entre aña 2012 y 2014, ora cu el a biba na Spaña henter e tempo, pero cu un residencia na Panama.
Su firma di relacion publico a bisa den un declaracion cu e cantante semper, incluyendo e periodo entre 2011 y 2014, a cumpli cu su obligacion pa paga impuesto na tur e paisnan unda el a traha.
Den e declaracion ta bisa tambe cu manera el a wordo informa pa paga un cantidad na oficina di impuesto di Spaña, ‘Shakira a paga e cantidad completo’.
