(TMZ) – Shakira no a caba cu e casonan di impuesto, Spaña ta biniendo den su contra cu otro caso y e mester a paga miyones mientras e fiscalnan tabata desaroya e caso segun un reportahe nobo.
Recientemente a informa cu Shakira a yega un areglo den e caso criminal cu e gobierno Spaño siman pasa, unda el a paga 27 miyon dollar pa ricibi un sentencia mas leve despues di a comete fraude di impuesto for di entre 2012 pa 2014, admitiendo esaki den corte dilanti hues.
Sinembargo, segun un storia recien di corant Spaño El Periodico, e no a caba cu e topico ainda pa motibo cu awo fiscalnan ta cuminsando otro caso di aña 2018, cual ta un caso completamente diferente cu esun anterior. E noticia ta bisa cu Shakira a deposita 7.2 miyon dollar adicional pa e investigacion nobo aki aunke no ta cla si esaki ta solamente pa su libertad of si esaki ta un acuerdo nobo cu e ta pagando pa asina evita un sentencia.
El Periodico, cual ta cita fuentenan anonimo, e gesto aki di Shakira ta pa ricibi un sentencia mas leve ora cu e caso eventualmente cada, cual ta un poco straño y diferente na e manera cu normalmente ta lidia. E noticiero ta nota si cu e pago aki no ta un admision di culpabilidad. Si esaki ta berdad y e perde e 7.2 miyon dollar aki, e ta nifica cu el a paga te 34 miyon dollar pa por libera su mes di e problemanan aki di impuesto cu tin 6 aña andando caba.
