Medionan di comunicacion di Reino a informa ayera cu e sesion di winter di e Consulta Interparlamentario di Reino (IpKo), cu tabata programa originalmente pa comienso di januari na Aruba, a keda cancela oficialmente.
Inicialmente a pospone e reunion pa motibo di e eleccion adelanta na Aruba pa dia 6 di december, cu ta limita e capacidad pa prepara pa e consulta bi-anual.
Sinembargo, CuraçaoChronicle a nota cu intentonan pa reschedule of tene e reunion sea na Corsou of Sint Maarten no tabata exitoso, manera a keda indica den e agenda pa e reunion procedural di Comite pa Relacionnan di Reino di Tweede Kamer, dia 13 di november proximo. E agenda ta nota cu durante un conferencia di video, lidernan di e delegacionnan a “conclui cu e IpKo planea pa januari 2025 na Aruba no ta bay tuma lugar.”
Despues di discusionnan extensivo, e Presidium di e comite a conclui cu ta Staten-Generaal ta bay organisa e proximo IpKo na juni 2025. A pesar di intencionnan ripiti di e delegacionnan pa tene conferencianan di video mas frecuentemente, e reunionnan aki ainda no a materialisa.
