(NLTimes)—E servicionan di inteligencia policial a monitoria henter gruponan di poblacion inhustamente, segun e Commissie van Toezicht op de Inlichtingen- en Veiligheidsdiensten (CTIVD). Den e periodo entre 23 di februari y 1 di juli 2022, nan a comete e acto aki tres biaha, NOS ta reporta.
Tur unit di polis na Hulanda tin nan mesun servicio di inteligencia. nan ta traha cu e Algemene Inlichtingen- en Veiligheidsdienst (AIVD) y ta monitoria hende cu por ta un menasa pa seguridad nacional. Segun CTIVD, e servicionan aki tin biaha ta ricibi un señal “tocante un persona of varios persona” y ta despues ta dicidi pa investiga henter un comunidad a base di esaki.
Tin rekisitonan estricto den ley Hulanda pa monitoria henter un comunidad debi na e invasion masivo di privacidad cu ta encera esaki. E servicio di inteligencia mester obtene informacion tocante sospechosonan prome den un manera diferente y considera cuidadosamente si un investigacion amplio asina ta un cay bao di un asunto proporciona
Entre februari 2023 y 1 di juli 2022, esey no a sosode den tres investigacion, CTIVD a bisa. E curpa di supervision no a bisa cua comunidad tabata envolvi pero a splica si cu “comunidad” ta nifica un grupo di poblacion “a base di, por ehempel, etnicidad, creencia religioso, of grupo ocupacional.” Pues teoreticamente, e servicionan di inteligencia policial por a spiona riba bishitantenan di un cierto moskee of campesinonan protestando. CTIVD a conta e “Stieken Commissie”—e comite parlamentario cu ta supervisa CTIVD—cual comunidad tabata envolvi.
Harm Trip di CTIVD a conta NOS cu e servicionan di inteligencia ta monitoria comunidadnan mas frecuente, pero den e tres casonan aki, nan no a duna un motibo adecua pakico nan mester a haci esaki. Minister Hugo de Jonge (Asunto di Hogar) a bisa cu polis mester hustifica pakico nan a monitoria henter comunidadnan. Pero el a agrega: “Mi kier enfatisa cu e metodo di e investigacionnan den tur caso ta enfoca riba un perspectiva di menasa.” Y despues lo ta necesario pa tin un bista di henter un comunidad, cual ta permiti bao cierto condicion, el a bisa. “Ta inevitabel cu e background etnico di hende cu ta parti di un comunidad particular lo ser tuma den consideracion, pero esaki no ta e proposito di e investigacion,” el a bisa.
Como respuesta na e revelacion di CTIVD, parlamentario di D66, Joost Sneller, a demanda un debate mas amplio den parlamento tocante miho supervision pa e servicionan di inteligencia y seguridad. Parlamentario di SP, Michel van Nispen, tambe ta critico. “Nos sa caba cu individualnan ta ser persigui den un manera slordig, pero esaki ta pio pa henter comunidadnan,” el a bisa.
