Actualmente tin un brote di Distemper cual ta un enfermedad viral cu ta afecta cachonan cu no ta vacuna. Servicio Veterinario ta informa cu pa preveni cu bo cacho haya distemper, cual por tin consecuencia fatal pa cachonan cu no ta vacuna, ta recomendabel pa vacuna bo cacho.
E virus di distemper ta transmiti via aire of tambe por medio di contacto directo cu un cacho cu ta infecta. E sintomanan cu un cacho infecta cu distemper ta cuminsa cu keintura y hopi biaha cu un tiki diarea. Despues por mira verkoud pisa dentro di 1 siman, e cacho su wowonan lo ta sushi, nanishi ta core pus, tosamento, falta di apetit y keintura.
Despues e virus ta ataca e nervionan di e cacho, cual lo conduci na temblamento di musculo, specialmente musculonan riba cabes ta tipico.
Pa mas informacion por tuma contacto cu e veterinario di bo cacho.
