Pa Informacion:
Departamento di Mercadeo, BdC
Servicio ta sigui normal na Banco di Caribe (Aruba) N.V.
Banco no ta na altura di ningun embargo
Banco di Caribe a tuma nota di informacion den corant Vigilante na Curaçao cu lo pone embargo riba banco. Maneho di Banco di Caribe (Aruba) N.V. ta enfatisa cu e no ta na altura di ningun embargo riba e banco y cu tur fondo di cliente ta safe.
Aunke no tin ningun caso di embargo e banco ta informa cu, si acaso mes esaki presenta, lo no tin consecuencia pa fondo di cliente na Banco di Caribe. E embargo lo ta riba e accionnan di e compania y no riba fondo di e banco ni fondo di cliente.
Tur cliente por conta cu nan por sigui dispone di nan cen pa haci transaccion via BdC Online, na ATM y mashinnan di pago.
Nos ta masha agradecido pa e confiansa di nos clientenan cu nos ta sirbiendo pa casi 39 aňa cu dedicacion y nos ta spera di por sigui conta cu esaki pa hopi aňa mas.
