(NLTimes)—GGD a conseha hende pa no come ningun fruta of berdura cu a ser cultiva den e hardinan cerca di Rotterdam The Hague Airport. A descubri nivelnan concentra di substancianan polyfluoroalkyl (PFAS) den un canal entre e aeropuerto y e hardinnan. Lo conduci mas investigacion e aña binidero, pero e sector di GGD cu ta cubri e region di Rotterdam-Rijnmond a publica e conseho como precaucion.
Ademas di e conseha tocante e fruta- y berduranan for di e hardinnan, GGD tambe a conseha pa no uza awa for di e canal pa irigacion. E doñonan di e hardin por sigui mantene nan hardin, pero ta conseha pa bisti handschoen mientras ta traha y laba man ora ta caba. Segun e aeropuerto, e investigacion a mustra concentracionnan halto di PFAS rond di e area di entrenamento di bombero dentro di e compeho di aeropuerto.
Segun e maneho di Rotterdam The Hague Airport, e brigada di candela a uza un agente pa extingui cu ta contene PFAS durante incidentenan pa cual nan mester a responde. E agente a ser descontinua pa 2020. Esaki ta probablemente e motibo pa e concentracion halto den e area.
“E cantidad ta mas halto cu nos tabata kier, pero e no ta un riesgo grave,” segun e aeropuerto, subrayando cu esaki a ser calcula a base di un medida. “Mester as medida pa yega na un conclusion.” Nan intencion ta pa e proximo estudio ser completa den e prome kwartaal di 2024.
Diamars e aeropuerto ta plania pa tene un reunion di informacion. E miembronan di e hardinnan asociacion den e area, y e club di pone cerca di e canal tabata entre esnan invita pa asisti. E provincia di Zuid-Holland tambe a informa e miembronan di e gobierno provincial, aunke e provincia a bisa cu actualmente e no ta envolvi den e caso.
