(NLTimes) – Servicio di salud GGD ta dunando e segundo ronda di booster contra di COVID-19 riba diabierna.
E gabinete a dicidi di cuminsa duna e di dos booster na gruponan specifico pa causa cu a relaha e medidanan di coronavirus por resulta den un aumento nobo den infeccionnan. Mas o menos 2.1 miyon persona di edad di 70 aña y mas ta eligibel pa un booster shot mas. Mas o menos 113,000 persona cu desorden inmunologico tambe por ricibi un di dos booster, ademas di 15,000 persona cu sindrome di down. Residentenan di casnan di cuido bao di e edad di 70 tambe por ricibi e booster extra cu tin por lo menos 2 residente riba e edad di 70.
Te cu awo, RIVM y GGD a invita mas di 300,000 persona pa haya nan di dos booster segun reportahe di NU.nl. Mas di 42 persona a haci un afspraak pa ricibi e vacuna, cual ta mas o menos 14 porciento di e grupo invita. 151 localidad di GGD a ser habri den e pais y ta dunando e di dos boosternan aki.
E tempo den cual e persona por ricibi su di dos booster ta depende di ki tempo nan a ricibi nan ultimo infeccion di coronavirus. E mester ta por lo menos 3 luna atras. Instituto di salud publico RIVM ta mantene un record di esaki y ta manda e invitacion ora cu esaki bira apropia.
