Aunke e clientenan di Serlimar ta pagando keto bay pa e servicio cu nan ta ricibi di pikimento di sushi na domicilio, ainda un gran cantidad di nan no a cumpli cu nan compromiso di paga pa e servicio cu nan a ricibi durante 2016.
Vocero di Serlimar, sr. Lionel Croes a bisa cu a pesar cu tin cliente cu nan no a cumpli ainda cu e pago, sinembargo Serlimar no ta stop e servicio cu nan ta bin hayando. “Na dado momento un cliente no ta pagando na tempo nos ta manda un recordatorio y ofrece e cliente pa haci un areglo di pago y nos no ta bay stop e servicio”, asina el a declara na Bon Dia Aruba.
Servicio
E ta haya cu Serlimar ta bay stop e servicio na esunnan cu no a paga ainda esey lo por trece cun’e un mal imagen pa e sushedad compila. Ademas e ta un riesgo tambe e parti di salud publico pa e comunidad di Aruba en general. Ya cu e ta bay crea un molester no higienico pa e comunidad y esey no ta intencion di Serlimar pa crea algo asina.
El a reitera cu Serlimar lo keda brinda e servicionan pa nan clientenan, ya cu nan ta prefera di keda recoge y keda duna servicio optimalmente. Sr. Croes a bisa cu Serlimar a traha duro hunto cu su personal pa hisa e calidad di su servicio. Nan ta keda duna servicio optimalmente manera nan ta custumbra di duna semanalmente riba dia fiho.
El a trece dilanti cu si den caso cu nan ta manda varios aviso y e cliente no ta paga, ya sea cu no ta mustra interes pa bin paga of bin na un areglo di pago cu Serlimar, e ora ey Serlimar lo tuma paso legal.
.JPG "No tabatin relacion amoroso entre director Serlimar y Sra. Lin segun su declaracion")
