(AP) – Pa decadanan caba, cientificonan a adverti cu e kimamento continuo di gas, azeta y carbon lo tin impacto debastador riba e clima. E impactonan aki por ser sinti den henter mundo.
Di tur banda, e ultimo añanan ta brutal pa e clima y pa ser humano ademas di otro ser bibiente cu ta biba den dje. Rond di mundo, recordnan di calor a ser completamente kibra. Inundacionnan a golpia Pakistan, Libya y varios otro pais, destruyendo bida y tumando bida. Horcannan poderoso a golpia costa di India y Merca. Tambe tin eventonan poco comun y straño cu a golpia California.
E ciencia di kico ta pasando ta hopi cla. Pa mas di 100 aña, cientificonan sa cu e cantidadnan rgandi di gasnan, emiti for di e kimamento di fossiel, ta drenta atmosfera y ta keinta e planeta. E calor aki ta causa cambionan frecuente y mas extremo den e tempo. Den e sentido aki, cambio di clima por ser mira como ‘The Great Accelerator.’
E ola di calor cu semper tabata bay empeora e calor, awo ta mas caluroso ainda y ta keda pa hopi mas tempo, formando un ambiente di calor sofocante riba partinan di tera. E secura periodico cu ya caba a anticipa cu lo pasa, ta termina siendo pio ainda y ta laga atras crack den e tera. E tormenta tropical cu semper tabata forma den lama pero antes tabata calma, ta converti den un horcan poderoso cu ta destrui tur cos den su caminda y ta laga inundacion pisa cu mas frecuencia.
E velocidad di eventonan di tempo extremo ta aumentando asina hopi cu gobiernonan, cientificonan y gruponan humanitario ta haya nan mes ta responde na varios crisis na mesun momento.
E situacionnan extremo aki a aumenta e conscientisacion dicambio di clima, te hasta entre personanan cu antes tabata nenga esaki of tabatin e manera di proteha nan mes. Y e impacto ta birando un punto di enfoke fuerte.
