HOUSTON – Lunana despues cu administracion di president Trump ta anuncia e fin di e separacion di gran escala di mayornan hunto cu nan yiunan migrante, e politica ta ainda un tema den e tribunal y na e frontera.
Segun e criticonan di gobierno, ainda ta kibrando innecesariamente e famianan mirgante. E proyecto di derecho civil di Texas a publica un informe diahuebs, cu ta conta cu 272 separacion den un solo tribunal di ciudad for di juni, ora cu president Trump a emiti un orden ehecutivo cu a pone fin na e separacion generalisa meymey di indignacion publico.
E mayor parti di e caso ta involucra muchanan cu ta crusa e frontera na Merca y Mexico cu otro famia cu no ta nan mayornan, manera welo, omo of ruman adulto. 38 caso involucra un tata of un tutor legal. E mayoria di cual tin un condena penal.
Den un declaracion di oficina di aduana y proteccion fronteriso di Merca, a argumenta cu e grupo cu a categorisa incorectamente e caso cu a involucra otro famia pa e ley di siguridad nacional, ‘no ta haci concesion pa nada mas cu un tata of tutor legal’.
Gobierno a reconoce cu a retira mas di 2,700 mucha di nan famia, y mayoria di nan a wordo reuni caba, pero den un informe di vigilancia luna pasa, a haya miles di otro mucha cu a ser separa y libera prome cu e orden. Un preocupacion ta cu e destino di mucha atendi pa familiar den areglo nunca a wordo formalisa.
Muchanan y adolescente cu no ta acompaña, procedente di Centro America, lo ser hiba na instalacion di gobierno, adulto por wordo hiba prizon y procesa pa ingresa ilegalmente na Merca. E autoridad tambe por separa e mayornan di yiunan si ta considera cu e separacion ta miho pa e mucha.
